文章分類: 劇集,電影 (AGAIN)

I Am Legend

hands1914 — Sat, 15 Dec 2007 23:56:50 +0800

片長比較短，只有九十分鐘。所以交待故事、入正題、結尾，這三部分來得快也去得快，趕收工味重不言而喻。卡士陣容基本就只有韋史密夫，其他的不是二打六路人露過面就是那些變種怪物，大部分時間都是韋史密夫一個人~~和他的愛犬~~在已空無一人的紐約市裡遊蕩~~過日子~~，間中會開開跑車或在航空母艦上打高爾夫囧。所以理解為韋史密夫的獨腳戲也不為過。

(閱讀全文)

準備轉劇

hands1914 — Fri, 19 Oct 2007 21:02:36 +0800

Prison Break" Returns in April
In the update to an earlier story, FOX has confirmed "Prison Break" will go on hiatus on December 17 and return April 14.

"Sarah Connor Chronicles" will take over "Prison Break's" timeslot on January 14. The freshman drama inspired by Terminator movies will have 13 episodes and air through April 7.

"Prison Break" will then return April 14 and run the remaining episodes until early June (before "24"). A total of 12 or 13 episodes will have aired until mid December.

So it look likes there doing what they did with S1. Why cant they just air PB let the writters end the show and then show Sarah Connor Chronicles April 14th.

女主角無端被換,劇情越來越拖,收視慘淡是理所當然,要有心理準備轉劇了囧

Resident Evil: Extinction

hands1914 — Sat, 06 Oct 2007 19:40:42 +0800

自第2集段咁O晒咀既劇情後,係未睇生化危機3之前,大約都估到套野個劇情將會囧到不行,今集既公式就係DeadRising+超能力大戰+複製人全面進攻,

~~全美洲~~全世界都係喪屍,但實際上會同一羣喪屍開片既就只有一幕,堆喪屍出現數目少得可憐,除左果堆係把遮個秘密入口等運到果幾十隻,同埋忽然空降係拉斯維加斯果十幾隻外,班喪屍永遠係一隻起兩隻止咁出現,唔止係班喪屍偷工減料,連把遮都一樣偷工減料,咁大間北美總部就得小貓三四隻係到打理,班特種部隊出現一陣打都未打就好快被人掃低晒,博士哩種小角色打左幾枝針變做~~識超能力的~~Tyrant咁就做左今集既大佬,班喪屍同把遮真係蜀中無大將,需要搵埋d小角色黎充大佬囧

劇情亂咁黎,交代既唔清又唔楚,結局又係亂咁黎,唔計女主角同隻暴君係到鬥玩超能力你推我我撞你都夠晒亂黎,臨完場前女主角發現自己堆複製人哩到就真係惡攪星戰前傳二,咁下集應該會發展到女主角同佢班複製人白兵反攻Umbrella?同時下集個標題咪要叫Attack of the Clones囧?唔執著住原著問題,唔執著住劇情胡鬧既話,今集的娛樂性係爆燈,係近期一套難得既Kuso片囧

Prison Break Again

hands1914 — Tue, 18 Sep 2007 23:47:30 +0800

想當年由第一季就開始追睇,睇到上堂都要囉出黎睇既Prison Break,係今日都終於播出第三季了,但由第兩季開始套野就開始拖戲同停季,拖下停下都攪到個人已經無乜心機去睇了

係隔左成半年有多既今日,我懷住既緊張同興奮的心情去期待第一集,但好可惜事與願違,我好快咁.......睇左半集就已經無再睇了囧,唔通我的口味又轉了?

The Bourne Ultimatum

hands1914 — Sat, 11 Aug 2007 18:17:27 +0800

今日去睇套叛諜追擊3,套戲尚算可以,感覺就係大群CIA係到尾行同主角好GTA式咁搶車橫衝直撞,不過下次都還是要早早去買定飛,四點幾去睇後排d仲有好多,到四個鐘頭之後睇番後排變到差唔多無位,再遲小小去買真係要去坐前排睇戲了囧

Transformers

hands1914 — Sat, 28 Jul 2007 19:47:27 +0800

雖然係未睇變形金剛之前就聽到唔少人評論都話套野麻麻,但睇完之後又覺得套野都唔錯,可以當一套美式勇者動畫咁睇,機械人變形果陣加埋句システムチェンジ!就真係以為自己係睇緊真人版勇者動畫,機械人變形果下好正,人類用常規武器同機械人駁火果到都好正,劇情上雖然老土但特技效果可以補回不足,只係兩大派首領既實力就幾飄忽下,柯柏文係高速公路到無兩三下手腳就KO了某卒仔,之後就俾麥加登禁住黎打仲要主角同人類幫手,到麥加登又係無兩三下手腳就KO了某卒仔,之後又忽然被班人類射到無還手之力,到最後星星叫同羣F22打打下失左蹤果到應該又係埋下伏線應該仲會有續集出現,全段悶場位唔多,總括黎講套野對我算係一套喜出望外之作

Die Hard 4.0

hands1914 — Sat, 07 Jul 2007 18:11:52 +0800

哩幾日部電腦不斷發出怪聲,係深夜時間哩d怪聲都幾煩人下,到今日決定拆開部野睇做乜事係咪有無小強誤闖d風扇位遭到碎屍,經過查究之後發現d聲原來係張9800個風扇發出黎,原本想整但之後攪左陣發現無工具去幫我整整張卡又費時越攪越死火最後都係唔整,睇黎哩張為我服務左三年幾既DisplayCard係時候要更換了~~但都係用壞左先算~~,

到晚上睇套虎膽龍威4.0,唔執著d犯駁位黎講哩套野十分唔錯,悶場位唔多,情節算係緊湊,唔會似盜海豪情咁只係講計畫都已經十分的拖,不過d犯駁位都好犯駁下,囉其中幾個位黎講,你會驚訝布斯韋利士點解可以計到咁準車爆個水龍頭做低直昇機上件搶手,或會驚訝佢係隧道上又係可以計到咁準將部車鏟上去車爆部直昇機,又或者部F-35戰機可以有飛彈唔用~~係用左一次咁大把~~而家係機槍慢慢的去掃架貨車,架貨車都已經上左高速公路係到兜圈你用飛彈射塌條公路或用飛彈直接去射架貨車,我諗點都有效率過係咁用機槍去掃架車下?不過俾55蚊入場都係想尋求下視覺上的刺激,無謂咁執著d犯駁位~~再者套套片都實會有犯駁位~~,

睇到係隧道上部車鏟上去撞爆部直昇機果幕既時候,我隔離果個同我講'一早就好似自護咁用殖民地撞咪唔使攪到咁多野囉'我聽完係即時O咀了,一套好萊塢警匪片做乜係要同高達拉埋黎講,唔好講我唔明點解要將兩野唔相關既野拉埋黎講,就算係拉埋黎講個形容又會唔會用錯左?兩個事物性質上完全唔同,既唔相似又無關聯,架車撞落部直昇機,你話'一早渣部車去911部直昇機咪唔使攪到咁多野囉'咁我都服,~~或可能會讚下咁都俾你諗得到~~,Come On,睇部好萊塢片就咪同我左一句高達右一句自護,我會聽到隻耳側埋一邊..........

Pirates of the Caribbean ; At World's End

hands1914 — Sun, 27 May 2007 20:06:57 +0800

臨近糧尾,窮到HIHI,無錢出去食,囉晒老豆囉落黎既排啊,闊麵啊,腸啊煮鬼晒去

食完係屋企Hea多陣就出去睇加勒比海海盜三,今集比起上集都多左唔少廁所位,初頭救船長到都晒左唔少時間,部份交待唔清唔楚,真正係開真拖都係尾段場海戰

唔好因為個宣傳海報到見到有發哥就以為佢會有好多戲份,佢的確係一個唔稱職既路人,講句歡迎黎到星加坡,閃下個身影,最後吟埋首詩就去領便當,當然今集主要係睇尊尼特普同鬼船長隻揪,半路殺出黎既新角色重要極都有限

到最後開大片既海戰就更加R頭,件神婆原來就係海女神,忽然~~好似鹹蛋超人咁~~變大變蟹再~~扮埋暴風女神~~變下天就走人了,唔知佢想點但更加唔知之後場海戰想點,成大隊戰船居然唔係成隊衝上鬥射玩白兵戰,仲要係中世紀騎士單挑咁兩隻船行出黎係到玩海上版AceCombat,KO左件鬼船長之後班英國佬仲要企到唔係走佬又唔係打,打開晒炮門但又係唔射企晒係到見到自己部旗艦俾人打又唔幫拖,七十蚊真係睇到咀都O鬼晒

Prison Break Season 2

hands1914 — Wed, 04 Apr 2007 16:34:43 +0800

Prison Break第二季正式完結,中間又停季又停播係咁拖,唔止電視台拖,連劇情都拖埋一份,完全唔係路,整體上第一季仲係監獄策劃逃獄果陣劇情緊湊,拖戲甚少,但第二季自逃出個監獄之後,公司開始浮出水面就開始拖,拖到連個好似係關鍵既USB手指原來都只係嚇得下人一陣,到第廿二集就更加腦殘,某堂堂一個公司既上級幹部有成班馬仔唔點,係要自己只帶小貓三四隻去圍剿Scofield,叫成隊人去圍人地再留番件活口搭佢番去美國唔會仲輕鬆d~~雖然有幾次都係已經捉到都可以俾人走甩,班友確係飯桶~~?但隨住主角又俾人拉番入監獄,係第三季Scofield回歸主題又要再繼續逃獄了,不過各人下場大都猜到一二,唔係係第三季到仲邊有戲做

(閱讀全文)